لحظه ارجوك ..؟!!

[عبد الله]

تذكّـر صاحبك وارجع تقرب له ولو بالصوت...
على اخر نفس واقف، تجي وإلا يجيه الموت؟؟
وأشوف الموت أحرص منك..!
وأشوف إنك تبي موته...!!
وأخاف إنك بعد موته تحن وتفتح التابوت...
وأخاف من القهر يقفل في وجهك باب تابوته!!!

-----------------
تحســب اني يوم ابتـســمــت في وجهــك أبيـــك؟؟!!
غلـطـــان..
تـرى بـعـض الـوجـيـه أهـيـنـهـا بابـتـسـامــه!!

---------------
اسألوا دمي .. وسعادتي وهمّي
اسألوا التوفيق ..
والكدر والضيق
اسألوا الطيب في صفاتي ..
والدعاء اللي في صلاتي
واسألوا شهودي ..
الدموع اللي في سجودي
اسألوهم .. واسألوا دمي ..
عن غلا أمي

--------------
سمعت باليتيم اللي قدام عينه تموت أمه؟
يناظر ولا يقدر يبرر دمعة الشفقان..
يصرخ..خذي روحي بس خلّيك يا يمّه..
وتموت..ويعاني من الذكرى ألم وأحزان..
كأن إحساسي إحساسه بس همّي غير همّه..
هو القدر خذ أمه..وأنا فاقد أعز إنسان..

-------------
ياصاحبي فخاطري أسألك شي..ان كنت انا مدري بغلاتي وأنا حي..
وش مكسبي كانك حزنت بوفاتي؟؟!!

-------------
وش أخباري؟
شلي جابني عالبال..وش الطاري
من اللي شاغل اللي شاغلك عني
عسى ماشر وش خلاك تذكرني؟!

--------------
تعلمت في حياتي أنجرح..وأواصل أحلامي...
تخيلت القهر فرحه..وسميت الحزن مزحه!!

-------------
تكفى تـــعال.. وناظر عيون مغليك..
حتى تعرف الي يحبك ويهواك
يامن على مر الليالي أناديك
أرجي وصالك وانت هايم بدنياك
..صحيح أنا قاسي..
لكن أداريك!
وأدري بهمك قبل تنطق شفاياك..
<أحبك>

-------------
ياصاحبي في وقتنا..وقت الألم..
من يسمعك مهما حكيت؟!
من ينصفك مهما شكيت؟!
منهو اللي ما يضحك إذا ذلتك دنياك وبكيت؟!
في وقتنا ما به وفا..مابه من صديق الا بثمن..
في وقتها بسألك أنا:
وش أكون بدنيتك؟؟

------------
اصبري لي شوي..لو دمعي تثاقلتيه..
بحاول استوعب اللي صار قدامي..!
هذي حقيقه والا حلم بمنامي؟
أنا ميت فيك..
وانتي قدامي..بس
مع ثاني..!!
شفتك معاه وصدّيت عنكم وأقفيت..
خفت أموت من القهر في مكاني..!

-------------
راسك علامك رافعه يوم أحاكيك؟
الظاهر اني فوووق حجمك عطيتك!
إضحك حبيبي دام غير مسليك..
بكره تموووت من القهر لا نسيتك!

-------------
بودعك وانتي اللي ساكنه بدمّي..
ببقى بعيد وروحك معي في ثيابي..
وان سولفوا في غيابي عن بعض همي..
قولي لهم:كان يعشق ريحة ترابي..
قولي لهم:بلل دمع حزنه كمّي..
هذي دموعه ولكن هي من اسبابي..!

--------------
ودي أموت اليوم وأعيش باكر..
وأشوف منهو بعد موتي ذكرني..
ومنهو حملني لين رمل المقابر..
ومنهو تمرّغ بالتراب ودفنّي..
وكم من تعنذا لي مع انه مسافر..
وكم من قريب لازم ما ذكرني..!
ومنهو يرتب غرفتي والدفاتر..
ولا شاف صوره لي بكاني وحضنّي..!

-------------
إعرف لو انك تلف الأرض حاره حاره..
وين ما تلقى ملامح طيب بتلاقيني..
واعرف انك لو تضيق بدنيا دواره..
ما تشوف الا ويدينك وسط يديني..

------------
ما صغرت بعين أعدائي لجل أصغر بعينك..!
وانتي عارفتني وعارفه اني بعينك كبير..
بس أكيد هناك واحد جالس بيني وبينك..
همه إني كل ما أكبر اطلع بعينك صغير..!!

-------------
خلني في بالك
وغيـــب..
صدقني بتلقاني
قريــــب..
واذا حصل شي
واحتجتنـــي.
صدقني بتلقاني حبيب..
تلقاني ظلك لو مشيت..
تلقاني دمعك لا بكيت..
تلقاني بسمه لا رضيت..
فيني ظنك ما يخيب..
مني وعد إني أكون
القلـــــــــــــــب
الصافـــــــــــي
الحنـــــــــــــون..

-------------
صباح الخير..لا قبلك ولا بعدك صباح وخير..
تعال وسولف لقلبن يحبك كثر ما احتاجك..
صباح الشوق..
واحشني بعد عمري..عساك بخير..
ترى مابي من الدنيا
"سواك"
وضحكة شفاتك..

-----------
خايف ان الزمن يبعدك عني..
تمضي وتزيد من نزف الجروح..
خايف ان الغير يسرقك مني..
على صدى صوتك تتركني أنوح..
يحفظك ربي..صارحني وعلمني..
عطني من الامل قصر وصروح..
دخيل عيونك..طمني وريحني..
هو أنا أستاهل قربك وإلا اروح؟!

-----------
أبي اضمك ضمتين..
ضمه الحين
وضمه يفرضها الحنين..
أبي لا همت فيك انسى كل صيحات الانين..
وأبي اذا التقت قلوبنا
أسمع(نبــض)قلبي وقلبك..
وكل ما أزيد في ضمك..
أسرح بعيييييييد..وأروي لك قصة عذاب..
مدفونه في قلبي الحزين..

-------------
علمتني كيف "أعزك"
دوم بسكات!
كيف أوصل "لقلبك"
وأنا في مكاني..
أعطيتني "يمناك"
رغم المسافااات..
زرعت بي حب الامل
والاماني..
لا قلت أبشكـــي؟؟
قلت يالغلا هات!!
داويت "قلبن" كان
قبلك "يعاني"..

-----------
لاتنصدم لا قلت انا اليوم ما ابيك
القلب عافك وانتها اليوم دورك
اعميتني بحبك عسي الله يعميك
ورميتني يازين بأعمق بحورك
يالله توكل لا تجيني ولا اجيك
يالله حبيبي قوم رتب امورك
-------------
حمامه في صوتها ذكرتني..
تبكي مصايبها وأنا ابكي مصيبه..
قلت اهجدي..لكن ما طاوعتني..
صارت تنوح وكل لحن تجيبه..
تبكي من الفرقا ولا علمتني..
أثر الحمامه في بلدنا غريبه..
عيني بكت من نوحها واسهرتني..
أثر الفـــراق حتى الطيور تحكيبه..!

-----------
قالت بجي للعرس وأشوف وشلون
تصبر إلي من جات عينك بعيني

قلت أتمنى وقتها مالي عيون
يعميني الله عنك لاتحرجيني

خافي من الله هالبشر وش يقولون
إذا عرفوك من العرق في جبيني

وش حالتي يوم الخلايق يشوفون
رعشة هدب عينك ورعشة يديني

وش حالتي لا صافحوني يهنون
و ناظرت بك ثم شفت دمعة سنيني

هذي تهون و ذيك ماظنها تهون
لاجيت أناظر في بديلك يميني
---------------
الــــــعـــــالـــــــم المجهول "
وش دخلك فيه ...؟؟
ردي !!
ترى ماني للأشواق "" تمثال "" ..
دامني (بقايا انسان)
ليه اشتريتيه ؟؟!!
ودامني (طفل)
من علمك !!
"" عشق الأطفال ""
--------------
عندي سؤال
وخابرن فية
تجريح
لكن ضروري
تسمعة بأنبساطي
ارفعك بيدي للسماء
ترجع تطيح
قلي شسوي
فيك
لا صرت واطي..؟!

-------------
فقدتك
والزمن ما يرحم أوجاع الحزين
ولا يداريها!!
فقدتك
وانكسر قلبي ومدري
كيف تاليها؟
فقدتك
وانطفا فرحي من الدنيا وما فيها..
فقدتك
ااااااه لو تدري..
حياتي كيف اقضيها..

----------
كذا بهالسهوله تروح لواحد ثاني؟
قدام قلبي وعيني ايدك بإيده،
كذا بهالسهوله تسويها وتنساني؟
طيب وأنا؟والهوا؟وأغلى مواعيده؟!

-------------
سامحوني لورحل جسمي وغاب
سامحوني ودّي فـ القبر أستريح
في حياتي مالقيت إلا العذاب
وحظي لاشلته غصب عني يطيح
والوصيه لادفنتوني وغطا جسمي التراب ..
خلّوا الغالي على قبري يصيح

-------------
تدرون وش يعني لا قالوا تحطمت ...؟؟
ومتى عرفت انه خلاص انتهينا
ساعة لمحت عيونه ثم تقدمت ..
وصد !!!
نسى مافااااااااات ولد اللذينا..!!
--------------
أنا الذي خاويت واجد من الناس..
وأعرف مزايا الشخص بابسط طريقه..
لكن مثلك..مالقيته بهالناس..
ماهو عشان أمدحك..هذي حقيقه..!
حقيقه تنقال يا طيب الساس..
واحسبها شهادة من رفيق لرفيقه..

-----------
جيتك وأنا أدري داخلك لوم وعتاب..
ماأبيك تسال وين حضرة جنابي؟
أبطيت غايب لكن الشوق ما غاب..
جتك الرساله تعتذر عن غيابي..
ماهو بكيفي غبت..للغيبه أسباب..
لكن بكيفي جيت وأعلنت اشتياقي..

-----------
أمانه عليك ان غبت عن عيني..
لا يصير قلبك مثل الزمن جافي..
مع كل دمعة تذكّر عشرة سنيني..
ومع كل بسمه تذكّر قلبي الغافي..
تقول ان الهم يوم انك تخليني..
وأقولك ترى الهم زايل مادمت لي وااافي..

------------
تعلمني أحبك حيل..
يمر الوقت..وأحتري تجيني والا ما تجيني...
أنا مابي حياة الناس إذا صرت انت مو فيها..
تخيــــــــــل..
من كثر شوقي..!!
..أحــــــس..يديـــيك فيديــني..
وأشم ايـــدي..
على بالي ألاقي ريحتك فيها..!

------------
ضحكتني بكلمة "أحبـــك"
وانك بتبقى لي وفي..
أبسألك
وجاوبني بربّك..
توها على لسانك تجي؟!!
ما عادها احساسي تثير..
متأخره جات بكثيييير..!!

------------
أنا لا قلت لي:شلونك وأنا ضايق
أقول:"بخيــــــــــــــــر"..
دامك سألت عني أكيد ان ضيقتي رااااحت..
أنا من كثر ما "أعــــــــزك"
أحسك في عيوني "غيــــــــر"
تضيق النفس من دونك..
واليا شافتك أكيد "ترتـــــــــــــــــــاح"

-------------
يهمك تعرف اخباري؟
أنا مستانس وطيّب..
أنا مثل البحر تدري..
يثور وتركد أمواجه..
أبد لا يزعجك حزن تشوفه بعيني..
حبيبي هذا هو طبعي..
أحب الحزن وأحتاجـــه..
وتسألني عن أوضاعي..
وأرد وأقول أنا طيب..
مع إني صدق بغيابك..
لا طيب ولا حاجه..!

----------
تأكد اني من غيرك حزين
وأكسر الخاطـــــــــــر..!
يمر يمي الفرح لحظه..
يمر يمي وهو مسافر..!
أحس إني "بلا ماضـــي"
أحس إني "بلا خاطــــــــر"
أحس إني أنا بدونك..
أعيش اللحظه مو قادر..!
"حبيــــــب عمـــــــري"
بدا شوقي..بدا يكبر..
بدا وماله أبد آخـــــر..

------------
مازلت أنا الأول أبد ما تغيرت..
ذاك القديم بطيبتي وبحلاتي..
يجوز حدتني الظروف وتبعثرت..
بس المهم..ما أنسى أي عزيز بحياتي..

------------
لو للشتا رحمه رحم عاري الناس..
ولو للوفا سلطه قتل خاينينه..
ولو للشجر قدره على حامل الفاس..
ما كان تلقى باليشر قاطعينه..
ولو الغلا في كل الأحوال نبراس..
ما شفت "كذاب" البشر فاقدينه..
ولو البشر في مدت اليد تنقاس..
ساد الكريم وهالبشر تابعينه..
ولو الاماني تطرد الحزن والياس..
ما شفت بين الخلق نفساص حزينه..
ولو السوالف تكشف أنجاس الأجناس..
ما صرت تشكي من رفاقه غبينه..
هذي أمانــي "واحد" عاشر الناس..
أوفــى لناس وشافهم قاطعينــه..!!

---------------
لو الأمر بيدي
لأمسك الدنيا
وأحطها بيمناك وأقول لها:
يا هيييييه!
دلّليه
فرّحيه
وأضحكي له
"ولا جا شايل منك هم"
خذي حزنه واشربيه..
"واوعديني يا دنيا"
لأحبابه
وعمره
تحفظيه
ماأبي أكثر يا دنيا
غير إنك تسعديه..

-----------
فديت منهو ذكرني بغيابي..
فديت أنا ممشاه وخطاويه..
ماني بقاطع رجاه لو دهري جفاني..
هو تـــــــاج راســــــــي..وبعيني أداريه..
شوفته تسوى كل عمري وزماني..
وجرحه بدموع عيني أداويه..

-------------
سامحيني لو قسى قلبي وغيرني زماني..
سمحيني لو قسيت وتعمدت الخطيه..
واعذريني لو أصير بنظرتك انسان ثاني..
وافهميني قبل دمعك يقلب الدنيا عليّه..
علميها يا دقايق..علميها يا ثواني..
قولي لها اني مالقيت الا الجفا منها هديه..

-------------
كسرت بخاطري
يومي أجيك بلهفتي محتاج..
عن العالم تمنيتك بأحزاني
معي توقف!!
تحريتك و ناديتك و حس القلب
بالاحراج
رجعت و خاطري مكسور و حزني
فوق مايوصف!!
خلاص أقول من قلبي"أنا آســــــف"
عالازعاج
و آسف منــك "ياقلبي"
حطيتــــك بهالموقف!!

----------
خــلّني .. أرتــاحــلــك .......
واضــيــّع .. حــــزن .. بـداخــلـك .......
واعــيد لــــك .. مــافــات لــــك .......
وابــــكــي ... أبـــكـــي .. لاجـــل ..
أســتـــاهــلـــك ..
-----------
خلنــــــــــــــي
قصة هوى تسكن كيانك..
خلني صورة مسافر في سمـــاك..
وخذ حياتي شمعة زمانك..
وخذ عيوووني ما سكن فيها "سواك"
ولمني ثم "ضمني" بأقصى حنانــك..
ولمني يا جعلني كلي فدااااااااااااك..

--------------
تخيلني وسط صحرا ونار الشمس تكويني..
تخيل خطوتي حافي..وشوك الأرض يدميني..
تخيل لهفة أنفاسي..أدور قطره ترويني..
أدور غيمة بيضا تظللني تواريني..
تخيلني أدوّر درب..ورمل الصحرا في عيني..
ترا هجرك مثل صحراي
..طلبتـــــــــــك
..لا تخلينــــــــــــــــي

--------------
أمانه يوم توصلك الرساله تبتسم لأجلي..
ترى منهو فقد مثلك تعب من كثر هوجاسه..
وش الدنيا بدون أشخص مثلك؟!
فكّر وقلّــــــــــــــي.
تراها في نظر منهو يعزك
حيـــــــــــــــــــــــل
منداســــــــــــــــــــــــــه..

-----------------
"الغــــلا" لو جيت أقوله ما وصفته..
يعجز لساني يقوله لو حكيـــــت..
إنت أغلـــ إنسان ـــــــى في الدنيا عرفته..
قلبك أطهــ قلب ــــر في عمري لقيت..
فيك شي لو بقوله ما وصفته..
تعجز حروفي وحقك ما وفيت..
إنت إحساســـــــــــي وعمــــــــــــري
لو فقدته مات حسي وإحتياجي
وانتهيـــــــــــــــــــــــت...

--------------
حبيبي كيفك؟
وكيفها دنياك؟
يطول الصمت ما تسأل..
أهوجس..
هي ظروف الوقت؟
وإلا غيبتي أجمل!
أو إنك ما تطيق الصعب..
وحسبت الوداع اسهل..؟!
حبيبي فدوتك مسموح..
لا تشقى..ولا ترسل..
أحبك حاضر وغايب..
وقلبي عمره ما يزعل..!!

-------------
خوفي أنسأل عنك ويضيع الرد بشفاتي..
خوفي ينكشف "بعدك" وتحس الناس بجروحي..!
بعد ما كنت أنا وياك..يشوفونتي أنا بروحي!
قلبي ما يطاوعني بايدي أكشف أحزاني..
ولا أقدر أقول ان..
((أعز ناسي خلاني))..!

---------------
يا صاحبي لا مرّك الشوق واشتقت..
اذكر ترى "صاحبــك" ميت بشوقه..
ودي يسابق سير الأقدام والوقت..
يحضن غلاك..
ويزرعه
في "عروقـــه"

-----------
يا بعد هالكون لا تضايقت قلّي..
عشان أحس بضيقتك وأتضايق..
يكفي تلمّح لي وأنا اجيك كلّي..
أضيق "عشانك" ولو كنت رايــق..!
حنا اتفقنا نشكي لبعض ياللي..
تخفي ورا ضحكة عيونك حقايـــق..

------------
طاي اني منحت الحب شخص وقابله بنكران
طمعت احسب طمع قلبي بحبك يكسب ارباحه
وعرفت انه ما تورثته من ابوي آدم طمع انسان
خسر ملك جنان وراحته باسباب تفاحه
-----------
حلمت بك..
انت قلّي بمنهو حلمت؟
عطني أسامي اللي بحلمك يجونك؟!
أمك..أبوك..
وش بك تلعثمت..!
فيه شخص أشوفه مختبي في عيونك..!
تدري وش اللي يذبحك وانت ما مت؟؟
انك تشوف اللي تحبه يخونــــــــك..!!

--------------

تــــــــــدري!!


لو بيدي
لأخليك مرتاااح..
وأعطيك راحتي وأزيدك عليها..
وتصير حياتك
كلها أفراح بافراح..
وأرسم لك البسمه وأحسسك فيها..
وأعطيك لأبواب التساهيل مفتاح..
وتمشي لك الدنيا على ما تبيها..

----------------
((لحظه أرجوك))
لحظه لا تقاطع كلامي:
عندي سؤال وخايف الرد حساس..
أرجوك هو قلبك يهمه وجودي؟
والا مجرد شخص من عرض هالناس!!

-----------------
الحب يصدر عن شعور وأحاسيس..
والبعد ما يغيّر في البعد حاجه..
البعد يتعبنا بكثر الهواجيس..
لكن نبي نرتاح يوم انتواجه..
ارتاح يا عمري..تعوّذ من ابليس..
راسي محد غيرك يكيّــف مزاجه..!

[The Prince of Romance]

احساس رائع
ارجو النقل الى منتدى الخواطر