عااااجل امتياز قديم طب الزقازيق

[Dr.Ahmed Sabra]

السلام عليكم

الف مبروك لكل اعضاء المنتدى العريق اللى خلاص خلصوا الامتياز وربنا يوفق كل واحد فى طريقه ان شاء الله

حبيت بس انى اوجه نظر زملاتنا لفكرة كان اقترحها بعض الزملاء ( محمد رمضان ومحمد عبدالمحسن) وهى اعداد اسطوانة للدفعة بتاعتنا بحيث تتضمن الاسطوانة صورة شخصية مع رقم تليفون كل واحد فينا مع بريده الالكترونى والهدف منها هى تواصلنا فى فترة مابعد الامتياز لان كل واحد فينا هايكون له طريق مختلف عن الاخر --على الاقل الواحد يعرف يوصل لاى فرد من افراد دفعته

وبالفعل تم التنفيذ للفكرة وكل ماعليك انك تسلم صورة ليك سواء شخصية او عادية لمحمد رمضان او محمد عبدالمحسن ومعاها رقم التليفون والايميل الخاص بك

وفى اقتراح ان شاء الله ان الاسطوانة تتضمن ايضا حفل تخرجنا بالاضافة لجلسة الامتياز واللى سيتم فيها ان شاء الله تحديد رغبات كل واحد له تعيين فى الجامعة ان شاء الله
مجرد فكرة وتم التنفيذ لها بالفعل وحبيت اوجه نظر زملاتنا ليها على الاقل نعرف نوصل لبعضنا بعد ما كل واحد ياخد طريق معين

ولو حد عنده اى اقتراح او فكرة ياريت يضيفها ولو حد عنده اى تحفظات على الفكرة ياريت يلفت الانظار ليها لتجنبها

وياريت لو حد عنده معلومات عن معاد جلسة الامتياز يبلغنا عنها

والف مبروك لكل زملاتنا خلاص عدينا امتيازنا على خير