ايه رايك فى الزواج مشروع المستحيل للشباب ممكن اعرف رايك

[mido elwan]

والهى عن نفسى الجواز مشروع فاشل

[Dr.MeMa]

والله مشكور على موضوعك المهم
لان الزواج في سن الشباب غالبا يكون فاشل لعدم توافر المادة وكمان لعدم النضوج العقلي الكافي لفتح بيت وتحمل مسئولية اسرة وفي النهاية يحصل طلاق ومشاكل كبيرة.....
تقبل مروري...

[Eng.M.Hassan]

انا من رايي ان الجواز مشروع كويس بيؤدي بنا الى الاستقرار الاجتماعي والنفسي ..

بغض النظر عن انه مسؤولية وان كانت المسؤولية دي لازم نتحملها سواءً واحنا صغيرين في بداية عمر الشباب او كنا وصلنا الى مرحلة النضوج الفكري والعقلي ...

وبعدين الزواج في فترة الشباب من الاشياء الجميلة جدا ... (( مقصدش طبعا الشباب اللي في عمر 16 و17 سنة ... اقصد سن الشباب اللي اتخرج من الجماعة واتحمل المسؤولية )) ..

لانك في سن الشباب فيك الروح انك تجري وتشتغل وتدور على وظيفة والتانية وبعدين سنك حيبقى صغير وتكون ان شاء الله حققت اللي انتا كنت عايز تحققه ...


دا رايي الشخصي طبعاً وكل واحد له حق ابداء رايه ...:z049:


تقبلوا مروري ...:z06:

[Dr.MeMa]

مع احترامي لرأيك الشخصي أنا شايفة

ان الزواج في فترة الشباب(من 20 الى 25 )

مابيكونش عندهم الفلوس الكافية لفتح بيت وبالتالى بتحدث الخلافات

لكن انا مع الرأى اللى بيقول ان اكيد الشغل في سن الشباب احسن لانه بيكون عندوا روح الاقدام و النشاط

و بالتالى بيحقق انجازات (( بس ربنا يسهل على ما تتحقق ))!!!!!!

و الا ماكنش هيبقى في نسبة عنوسة كبيرة !!!

[Eng.M.Hassan]

اهلا بيكي يا دكتورة ..

وجهة نظر تحترم ...

صعب اننا نحكم على مشروع الزواج ككل انه مشروع فاشل لانه لو مكنش موضوع ناجح مكنش حد عمله سواء في السن الصغير او الكبير .. ( بس انا منكرش ان عدد نسب الطلاق كترت ) بس برده المشروع كله مش فاشل

و مع احترامي لرايك انا شايف ان المستوى المادي مش هو كل حاجة يعني في ناس معاها فلوس وبرده عندهم نسب الطلاق موجودة وبالنسبة للسن اللي هو من (20-25) سنة هو فعلا هو دا السن اللي الطلاق بيكون موجود فيه بس برده مش كلها اسباب مادية ..

ممكن عدم تكافؤ الاسري ..

ممكن تدخل الاهل الدائم ..

ممكن عدم تحمل مسؤولية الزوج ..

ممكن انه استهتار الزوجة ..

وممكن وممكن ............ اسباب كتير ممكن تسبب الطلاق بس مش الاسباب المادية لوحدها ..

وبعدين بالنسبة لنسبة العنوسة دا الشباب ملوش دخل فيها اطلاقاً دي اسبابها غالبا معروفه وهيا:

اما مغالاة الاهل في المصاريف

او ان البنت معجبة بنفسها ومستنية حد احسن

او ان البنت محدش اتقدم لها اصلا

ونرجع تاني لموضوع الطلاق المبكر ...

دي دراسة اخذتها من موقع بتقول ان رغم ان في ناس ممعهاش فلوس بتطلق برده في ناس معاها فلوس بتطلق ... والاسباب متعددة ..

-------------------------------------------------
القاهرة: كشفت إحصائية أصدرتها جمعية المأذونين الشرعيين في مصر عن أن 52% من حالات الطلاق التي تتم في مصر سنويا تقع بين زوجين عمرهما ما بين 20-25 عاما. الإحصائية كشفت أن عدد حالات الطلاق في مصر وصل إلى 264 الفا وأن 42% من حالات الطلاق تتم بين المتزوجين حديثا من السنة الأولى حتى السنة الرابعة .

ويرجع الشيخ عز الدين عطا مأذون ونائب رئيس جمعية المأذونين الشرعيين السبب وراء ارتفاع نسبة الطلاق بين المتزوجين حديثا إلى عدم تحمل المسؤولية ويرجع سبب الطلاق بين الفئات الشعبية في مصر إلى النواحي المادية وعدم قدرة الزوج المالية.... وبين الأغنياء يرجع الطلاق لعدم قدرة الزوج على توفير حياة رفاهية للزوجة....، مشيراً إلى أن الطلاق في مصر له مواسم وهي موسم الأعياد ودخول المدارس مع زيادة المتطلبات الأسرية.

------------------------------------------------------


دا برده رايي الشخصي ..


تقبلوا مروري ...

[Dr.MeMa]

سبحان الله الشيخ عز الدين مؤيد لوجهة نظري!!!
وحصر أسباب الطلاق كما حصرتها أنا:
1- عدم توافر تحمل المسئوولية عند الشباب ما بين سن (20 - 25)
2- الحالة المادية وأيدها بمثال حي وهى كثرة الطلاق بسبب دخول المدارس و الاعياد.....
وده اللي يحدث ان شاء الله في هذا الشهر الفضيل حيث يلتقي دخول المدارس والعيد. ابتهلوا معي ان يحفظنا الله من الفتن....