mahmoud sabra
12-Apr-2007, 10:54 PM
url=http://website.hu]http://www.a6z6.com/images/502256Q82_87.gif[/ur
_____________________________________________----
كتير بنسمع عن القصص اللي بتدور حوالين الحب من خلال الشات.. أغلبها بيكون مأساوي وشوية بيكون مضحك وأقلها بيكون حب بحق وحقيقي، حاجة كده استثناء بيثبت القاعدة. طيب ما تيجوا نشوف إيه الحكاية؟
من هنا كانت البداية
الشات ده عبارة عن غرفة تخيلية يتحاور فيها أشخاص سواء بالحوار الكتابي أو الصوتي المباشر في موضوعات عامة سواء كانت ثقافية أو رياضية أو فنية أو حتى موضوعات للتسلية البحتة... وممكن موضوعات مش كويسة خالص "فاهمينّي طبعا". ودي هي الغرف العامة التي بتسمح للجميع بالدخول إليها ويمكن أن تتفرع منها غرف خاصة بأشخاص معينين لا يسمح بدخول سواهم, وأغلب الغرف دي بيحط ليها أصحابها أو اللي بيترددوا عليها باستمرار أسماء وعناوين مستعارة، وهم نفسهم بيستخدموا أسماء مستعارة.
اللي بيحصل
اللي بيبدأ إن "توتة" تدخل ع الشات وتقابل "العاشق" وتبدأ الحكاية بمجرد "تبادل معلومات وتعارف" وتنتهي بحاجتين:
1. يا "العاشق زهق من توتة يا هي اللي زهقت".
2. يا إما "توتة والعاشق" خدوا كلمتين ع الفاتورة النار واتمنعوا من الدخول يا إما حبوا بعض بجد وهنا بقى المشكلة.
ليه مشكلة
مشكلة علشان "توتة" لازم تفهم العاشق إن عندها 16 مش 20 زي ما قالت له وإنها عايشة في مصر يعني مش زي ما قالت له إنها مابتجييش مصر غير لما المدارس بتقفل في إنجلترا. وممكن المشكلة تبقى في العاشق اللي هيصارح "توتة" إنه بيكلمها من أوضته مش من شركته اللي والده اداها ليه علشان يتعلم فيها قبل ما يدير مجموعة الشركات. وتبقى النهاية إن الاتنين بيعرفوا الحقيقة أو مابيعرفوهاش وتدخل "توتة" والفرعون العاشق بـ"إيميل جديد".
يعني إيه؟ إنتم ضد الحب ع الإنترنت؟
احنا لا ضده ولا معاه هو سؤال كده زي "التليفزيون حلال ولاّ حرام". الحب اللي بيحصل ع الإنترنت زيه زي الحب العادي حلاله حلال وحرامه حرام.. زي ما واحدة تكلم واحد من ورا أهلها هيفرق لو كان في العالم الطبيعي ولاّ العالم الافتراضي طبعا لأ لأنها لو بتعمل حاجة حرام يبقى حكمها واحد.
طيب هادخل أعمل شات مش هاحب
فيه ناس كتيرة بتقول طيب أنا هادخل أعمل شات مع اتنين من أصحابي اتعرفت عليهم ومش هاحبهم يعني هنا بيقول الدكتور "وائل أبو هندي":
"إن خبرتي الشخصية كمستخدم للإنترنت منذ بدايات دخوله إلى مصر إضافةً إلى خبرتي كطبيبٍ نفسي تحتمُ عليّ أن أكونَ واضحًا معك إلى الحد الذي قد يكونُ مؤلمًا لك، فعند عقد علاقةٍ بين شابٍ وفتاةٍ على الإنترنت يكونان غير مدركين لحقيقة أن هناك مسافةً تفصلُ بينَ حقيقة كل منهما على أرض الواقع، والصورة التي تتشكلُ في ذهن كل منهما عن الآخر من خلال الاتصال عبر الإنترنت، وهذه المسافة قد تكونُ بسيطةً وقد تكونُ كبيرةً وهيَ كبيرةٌ في الغالب!
فعندما يتعرفُ شابٌ وفتاةٌ على الإنترنت فإن الأقرب للحدوث هو أن يظهرَ كل منهما نفسه في أفضل الصور وأكثرها جاذبيةً واستحسانًا، فالشاب الذي يبحث عن فتاة الأحلام على الإنترنت عادةً ما يريد منها أن تكونَ مخلصةً ومتفهمةً وجميلةً، وأما البنت فإنها تريد الشاب الجاد الصادقَ والحنون، وأما ما ينساه كل منهما فهو أن عالم الاتصال من خلال الإنترنت هو عالم من النقاء الأسطوري الحالم، حيث تتقابلُ شخوصٌ جميلةٌ رائعةٌ حالمةٌ ولكنها وهمية إلى حد كبير، إنه عالم ينسينا دائمًا أنه عالم افتراضي في الأساس.
الخلاصة: مافيش حاجة بتمنع أي شخص إنه يعمل اللي هو عاوزه في عالم النت.. أيوه كل واحد مسئول عن نفسه وعن اللي بيعمله لأن مفروض إن ربنا بيراقبنا في كل وقت، لكن الفكرة إن النفس أمارة بالسوء خاصة لما بيكون الواحد وحيد وزهقان وحاسس بالملل، ودي حالة 70 % من اللي بيدخلوا ع الشات تقريبا.
:z028: :z028: :z028:
_____________________________________________----
كتير بنسمع عن القصص اللي بتدور حوالين الحب من خلال الشات.. أغلبها بيكون مأساوي وشوية بيكون مضحك وأقلها بيكون حب بحق وحقيقي، حاجة كده استثناء بيثبت القاعدة. طيب ما تيجوا نشوف إيه الحكاية؟
من هنا كانت البداية
الشات ده عبارة عن غرفة تخيلية يتحاور فيها أشخاص سواء بالحوار الكتابي أو الصوتي المباشر في موضوعات عامة سواء كانت ثقافية أو رياضية أو فنية أو حتى موضوعات للتسلية البحتة... وممكن موضوعات مش كويسة خالص "فاهمينّي طبعا". ودي هي الغرف العامة التي بتسمح للجميع بالدخول إليها ويمكن أن تتفرع منها غرف خاصة بأشخاص معينين لا يسمح بدخول سواهم, وأغلب الغرف دي بيحط ليها أصحابها أو اللي بيترددوا عليها باستمرار أسماء وعناوين مستعارة، وهم نفسهم بيستخدموا أسماء مستعارة.
اللي بيحصل
اللي بيبدأ إن "توتة" تدخل ع الشات وتقابل "العاشق" وتبدأ الحكاية بمجرد "تبادل معلومات وتعارف" وتنتهي بحاجتين:
1. يا "العاشق زهق من توتة يا هي اللي زهقت".
2. يا إما "توتة والعاشق" خدوا كلمتين ع الفاتورة النار واتمنعوا من الدخول يا إما حبوا بعض بجد وهنا بقى المشكلة.
ليه مشكلة
مشكلة علشان "توتة" لازم تفهم العاشق إن عندها 16 مش 20 زي ما قالت له وإنها عايشة في مصر يعني مش زي ما قالت له إنها مابتجييش مصر غير لما المدارس بتقفل في إنجلترا. وممكن المشكلة تبقى في العاشق اللي هيصارح "توتة" إنه بيكلمها من أوضته مش من شركته اللي والده اداها ليه علشان يتعلم فيها قبل ما يدير مجموعة الشركات. وتبقى النهاية إن الاتنين بيعرفوا الحقيقة أو مابيعرفوهاش وتدخل "توتة" والفرعون العاشق بـ"إيميل جديد".
يعني إيه؟ إنتم ضد الحب ع الإنترنت؟
احنا لا ضده ولا معاه هو سؤال كده زي "التليفزيون حلال ولاّ حرام". الحب اللي بيحصل ع الإنترنت زيه زي الحب العادي حلاله حلال وحرامه حرام.. زي ما واحدة تكلم واحد من ورا أهلها هيفرق لو كان في العالم الطبيعي ولاّ العالم الافتراضي طبعا لأ لأنها لو بتعمل حاجة حرام يبقى حكمها واحد.
طيب هادخل أعمل شات مش هاحب
فيه ناس كتيرة بتقول طيب أنا هادخل أعمل شات مع اتنين من أصحابي اتعرفت عليهم ومش هاحبهم يعني هنا بيقول الدكتور "وائل أبو هندي":
"إن خبرتي الشخصية كمستخدم للإنترنت منذ بدايات دخوله إلى مصر إضافةً إلى خبرتي كطبيبٍ نفسي تحتمُ عليّ أن أكونَ واضحًا معك إلى الحد الذي قد يكونُ مؤلمًا لك، فعند عقد علاقةٍ بين شابٍ وفتاةٍ على الإنترنت يكونان غير مدركين لحقيقة أن هناك مسافةً تفصلُ بينَ حقيقة كل منهما على أرض الواقع، والصورة التي تتشكلُ في ذهن كل منهما عن الآخر من خلال الاتصال عبر الإنترنت، وهذه المسافة قد تكونُ بسيطةً وقد تكونُ كبيرةً وهيَ كبيرةٌ في الغالب!
فعندما يتعرفُ شابٌ وفتاةٌ على الإنترنت فإن الأقرب للحدوث هو أن يظهرَ كل منهما نفسه في أفضل الصور وأكثرها جاذبيةً واستحسانًا، فالشاب الذي يبحث عن فتاة الأحلام على الإنترنت عادةً ما يريد منها أن تكونَ مخلصةً ومتفهمةً وجميلةً، وأما البنت فإنها تريد الشاب الجاد الصادقَ والحنون، وأما ما ينساه كل منهما فهو أن عالم الاتصال من خلال الإنترنت هو عالم من النقاء الأسطوري الحالم، حيث تتقابلُ شخوصٌ جميلةٌ رائعةٌ حالمةٌ ولكنها وهمية إلى حد كبير، إنه عالم ينسينا دائمًا أنه عالم افتراضي في الأساس.
الخلاصة: مافيش حاجة بتمنع أي شخص إنه يعمل اللي هو عاوزه في عالم النت.. أيوه كل واحد مسئول عن نفسه وعن اللي بيعمله لأن مفروض إن ربنا بيراقبنا في كل وقت، لكن الفكرة إن النفس أمارة بالسوء خاصة لما بيكون الواحد وحيد وزهقان وحاسس بالملل، ودي حالة 70 % من اللي بيدخلوا ع الشات تقريبا.
:z028: :z028: :z028: