عايزين يبيعوا بنك القاهره

[ahmed dawood]

بسم الله الرحمن الرحيم
انا النهارده هاتكلم فى موضوع مهم للشعب المصرى كله
هو بيع بنك القاهره ؟؟؟؟؟؟؟؟؟؟؟؟؟

اولا : ايه النظريه من بيع البنك ؟؟ ياترى علشان مافيش فيه فلوس و لا الريس مزنوق فى كام جنيه و عايز يفك زنقته ؟؟ و لا شاف ان الشعب تعبان و هايوزع ثمن البنك على الشعب

الاحتمالات كتير بس اى احتمال الصح

هو فى ايه هو احنا بيحصل فينا كل دا ليه و اللى يضحك ان الشعب ولا الهوا زى مايكون مرتاح و مرفه و مش محتاج حاجه هو اللى ماسكين البلد بيعملو كدا ليه عايزين يوصلوا لايه

عمالين يبيعو فى البلد واحده واحده
مدينة 6 أكتوبر الحمد لله أتباعت خلاص للعراقيين و المقطم خدته شركة إعمار و عمرو أفندى بيه أتباع انا خايف على بيتنا والله
ربنا يستر

انا بتمنى كل واحد يدخل و يكتب رأيه و بكل حريه و صراحه
امانه تكتبوا رأيكوا

[ahmed dawood]

و ادى الموضوع بالتفصيل عن اللى هايشتروا يلا حلال عليهم

مصر: إصرار حكومي على بيع 80% من بنك القاهرة لمستثمر استراتيجي

الفريق الاقتصادي لم يعد يخشى المعارضة الصارخة للرأي العام


اقبال اجنبي على تملك حصص كبيرة في البنوك المصرية («الشرق الاوسط»)

القاهرة : ماجدة محمد
جددت الحكومة المصرية عزمها بيع نسبة 80% من بنك القاهرة لمستثمر استراتيجي، كما أكدت أنها لن تزيد النسبة التي ستطرح للجمهور من البنك عما أعلنته من قبل وهي 15% (+ 5% للعاملين)، ونفت وجود أي اتجاه لخفض المطروح للمستثمر الاستراتيجي الى 70% كما طالب البعض.
وعلمت «الشرق الأوسط» إن الإصرار الحكومي على المضي قدما في خطة بيع البنك العام ستتم ترجمته في هجمة رسمية مضادة للترويج لمزايا بيع البنك، وأهمية هذه الخطوة في إطار خطة الإصلاح المصرفي التي كان قد تم إقرارها عام 2003، على الرغم من أنها لم تكن تشمل بيع بنك القاهرة.

وقالت مصادر رفيعة المستوى إن أمانة السياسات بالحزب الحاكم التي يرأسها جمال مبارك نجل الرئيس كانت قد عقدت اجتماعا عشية انعقاد الاجتماع المشترك للجنة الاقتصادية ولجنة الخطة والموازنة بالبرلمان لمناقشة طلبات الإحاطة للنواب الغاضبين من الإعلان المباغت عن بيع البنك، وتوصل المجتمعون من أمانة السياسات إلى ضرورة المضي قدما في خطة بيع البنك وعدم التراجع إزاء الانتقادات العنيفة للقرار، والقيام بحملة مضادة لبيان أهمية تلك الخطوة في ضوء الأزمة التي عاناها بنك القاهرة والتي أوصلته الى وجود عجز في المخصصات يزيد عن 12 مليار جنيه نتيجة تعثر نحو 73% من محفظته الائتمانية، وقال أعضاء السياسات في حضور مسؤولين حكوميين إن بنك مصر نفسه الذى استحوذ على بنك القاهرة في يناير (كانون الثاني) الماضي سيتهاوى إذا استمر في وضع الأخير تحت عباءته.

وتكشف من الاجتماع إن قرار البيع تم اتخاذه بين رئاسة مجلس الوزراء والبنك المركزي وبنك مصر، وبعيدا هذه المرة عن المسؤولين عن برنامج إدارة الأصول العامة، لكن الجميع اتفقوا على أهمية التوحد في الدفاع عن القرار سواء أمام البرلمان أو في مواجهة الرأي العام، كما تكشف أيضا إن وزارة المالية رفضت منح بنك مصر ما بين 10 و12 مليار جنيه لسداد عجز مخصصات القاهرة، بعد أن وضح تعذر تقديم البنك المركزي قرضا مساندا لبنك «مصر» بتلك القيمة، خاصة أنه استنفد الرصيد الذي يمكن أن يتيح هذا القرض من خلاله (عائد الـ 14% من ودائع البنوك لديه والتي لا تحصل عن فوائد عنها)، بعد عمليات مساندة البنوك العامة والخاصة لتطبيق الإصلاح المصرفي في الفترة الماضية.

وقد زاد مرور الاجتماع البرلماني يوم الأربعاء الماضى «على خير» بموافقة اللجنتين على البيع، من ثقة الحكومة وجرأتها في تسويق القرار والهجوم على منتقديه الى حد إن كثيرين باتوا يتوقعون إن تعلن الحكومة في الخطوة التالية عن بيع حصص من بنكي الأهلي ومصر، رغم إن رئيس الدولة قال علنا أنهما لن يباعا.

يذكر إن محافظ البنك المركزي خلال مؤتمر صحافي منذ أيام قال إنه لا مانع في المستقبل، ونظريا على الأقل على حد تعبيره، من بيع حصة من البنك الاهلي أو مصر للجمهور على أن يكون مصريا، ليظل البنكان في النهاية كيانان مصريان طبقا للوعد الرئاسي والحكومي.

وبرغم كل ما تقدم لا يزال الجدل محتدما حول بيع البنوك خاصة للأجانب، وهم الذين يمتلكون الفرصة الأكبر في شراء بنك القاهرة، وزاد من سخونة الجدل ربط الرأي العام بين بيع الأراضي للأجانب الذي تزايد مؤخرا وبين بيع البنوك لهم وجعلهما قضية واحدة.

وتحولت القاهرة خلال الأسبوعين الماضيين الى محط أنظار العديد من المؤسسات المالية والعربية والعالمية، لتبدأ بنوك دولية كبرى بوضع بنك القاهرة على خريطة استثماراتها المقبلة خاصة أن قرار البيع أحيا الأمل لدى بعض البنوك العربية التي أخفقت في شراء 80% من بنك الإسكندرية الذي فاز به بنك انتسيا سان باولو الايطالي أواخر العام الماضي، إلا أن توقعات قوية ترجح عدم جذب صفقة بنك القاهرة أنظار البنوك المصرية لعدم قدرتها على شرائه.

ومع قرب اختيار مؤسسة عالمية تتولى تسويق البنك في الأسواق الدولية بعد نشر إعلان دولي في صحيفتي «الايكومنست» و«الفاينانشيال تايمز» لا يزال الجدل مشتعلا داخل الأوساط الاقتصادية والحزبية وفي دوائر النخبة المصرية، حيث يعتبر المعارضون إن فكرة بيع البنوك العامة للأجانب مرفوضة من الأساس بشكل مطلق، باعتبارها مؤسسات حيوية تمثل عصب الاقتصاد القومي، كما إن التاريخ المصري المعاصر يحمل خبرة مريرة من ممارسات البنوك الأجنبية.

وحذر المعارضون من سيطرة رؤوس الأموال الأجنبية على الجهاز المصرفي المصري واتفقت الأحزاب المصرية على رفض بيع بنك القاهرة، بل وكان حزب الوفد، الليبرالي الداعي لحرية الاقتصاد، الأكثر تنديدا بالقرار الحكومي حيث حملت مانشيتات صحيفته اليومية اتهامات للحكومة باحتقار الشعب، ووصل الأمر برئيس الحزب محمود أباظة الى التشكيك في القدرة السياسية للحكومة ووصف قرار البيع بالقرار السياسي.

على الجانب الآخر أيد عدد كبير من قيادات البنوك الحاليين والسابقين بل ورجال الأعمال البيع معتبرين أنه الحل الأمثل لمواجهة المشاكل الكبيرة التي يعانيها بنك القاهرة سواء المالية أو الإدارية، لتوجه حصيلة بيعه لقطاعات تخدم المجتمع، وبلغ الأمر مداه ببعض المؤيدين مثل محمود عبد العزيز رئيس البنك الاهلي ورئيس اتحاد البنوك السابق، للمطالبة ببيع جميع البنوك العامة، معتبرا أنها خطوة تأخرت كثيرا وكان يجب إن تتم في عهد حكومات سابقة.

والطريف إن الإعلان عن بيع البنك أيضا واكب الذكرى 55 لثورة يوليو وتحول النقاش حول الثورة أو جانب كبير منه إلى مع وضد بيع البنوك لكن المحصلة النهائية لجدل البنوك هي إن المجموعة النيوليبرالية الحاكمة أدركت إن الرأي العام في مصر حاليا لايزال رهين الانفعال الساخن، ويكفيه الفعل الأرسطي أي إن يتطهر من أي قضية بالطريقة الأرسطية «البكاء التراجيدي» على ما يعتقد انه يضيع، ثم يخلد بعد ذلك الى الدورة اليومية للحياة بما فيها من كر وفر وجري وراء لقمة العيش دون اهتمام بانجاز تقدم على صعيد ما كان قد أثاره أو أغضبه، ومن هنا قرر كبار الحزب الحاكم المضي في برنامجهم حتى النهاية والتلويح بالمكاسب المالية الكبيرة التي ستنجم عن صفقة بيع بنك القاهرة التي قدرت مبدئيا بما يتراوح بين 12 و15 مليار جنيه (الدولار = 5.69 جنيه) والتأكيد على أن القسم الأكبر من العائد سينفق على مشاريع للبنية التحتية تخص محدودي الدخل.

وأيا كان ما يحدث فان السياسة انتهت في مصر وراح معها الجدل المنهجي المعبر عن تيارات سياسية حقيقية، ولم يبق إلا الصراخ في مقابل سياسة واضحة لفريق اليمين الجديد قوامها تخارج الدولة من الحقل الانتاجى والخدمي وبيع الأصول العامة والاعتماد على القطاع الخاص، ويتم تجذيرها يوما بعد يوم على أنها الوصفة الناجحة التي نهض بها من سبقونا، وأنه لا يصح أن نتأخر في تطبيقها أكثر من ذلك تحت ضغوط ميراث ثورة يوليو.

[mahmoud sabra]

حسبى الله ونعم الوكيل

المشكله ان الشعب بيسكت مش عارف ليه وهنفضل لغايه كدا لامتى يعنى ...

يا ريت تقرو النكته دى بجد هتعلمكو حاجات كتير ...

بسم الله الرحمن الرحيم


إلتفت الأسرة حول فراش الزعيم وهو يلفظ أنفاسه الأخيرة .... قال
الزعيم بصوت ضعيف
ولكنه حازم فى نفس الوقت



حسنى: كلكم موجودين



سوزان: أيوه ياحسنى ... أنا جنبك أهوه ... وأدى جمال وعلاء ...
قمرين دول ولا عينين



حسنى: طب إسمعوا اللى حقوله كويس




جمال: سامعينك يابابا ... إتكلم





حسنى: مصر دى كنز ياولاد ... إمسكوا فيها بإيديكم وسنانكم ...
بنسرق فيها بقالنا سنين وسنين ولسه بتدينا




علاء: هيا دى البركة اللى بيقولوا عليها يابابا

حسنى: أيوه يابنى .... ربنا يبارك لكم ولعيالكم فيها ... ودلوقتى
إسمعونى






علاء: إنت على الهوا يابابا ... إتكلم


حسنى: أنا مش مديون لحد ياولاد ... يعنى أى واحد يصيع عليكم ويقول لكم أبوكم كان
مستلف منى فلوس تفوا فى وشه على طول



علاء: إطمن يابابا ... حرامى على حرامى ما يلعبش




حسنى: أنا سيبت لكم ياولاد اللى يكفيكم إنتوا وعيالكم وعيال عيالكم ويفيض ...
فلوس متلتلة متتعدشمش حقول لكم حافظوا عليها وبس لآلآلآلآ
زودوها
كمان وكمان لجل ما روحى ترتاح وأنا فى تربتى


جمال: هيا الفلوس اللى إنته عملتها يابابا دى بتسميها فلوس ....
شفنى أنا وعلاء
حنعمل إيه .... ولا صحيح حتشوفنا إزاى .... عموماً ما تقلقش




حسنى: ودلوقتى إسمعوا وصيتى ..... الحكم لأولاد مبارك ... لازم أول
ما جمال يحلف
اليمين تغيروا إسم مصر وترجعوه زى ما كان زمان أيام الملك فاروق والملكة نازلى
(المملكة المصرية

جمال: مفهوم يابابا ... خش فى
اللى بعده




حسنى: الجيش والشرطة والأزهر ... أوعوا واحد من التلاته دول يخرج
عن
طوعكم أبداً




علاء: مفهوم برده ... اللى بعده .... ياساتر ده إنته ملل


سوزان: عيب ياعلاء لما تكلم أبوك كده

علاء: بهزر ياماما

حسنى: الهرم لأم العيال ... ليكى ياسوزان بعد ما خدمتينى بتفانى
وإخلاص طول
السنين دى




سوزان: هرم ! .... هيا دى آخرة صبرى ! ...... وده يسوى كام ده




علاء وهو يمسك بالألة الحاسبة : يسوى كتير ياماما ... لو تحبى
أتصرف
لك فيه ممكن
يعمل معاكى مبلغ كويس

سوزان:
مش حرضى باأقل من التلات أهرامات وأبو الهول




حسنى: مش خسارة فيكى ياغالية .... أثار النوبة لعلاء .... والأقصر
لجمال ...
ودلوقتى نيجى للميه .... الساحل الشمالى لعلاء والبحر الأحمر
لجمال
وقناة السويس
تخصصوا دخلها صدقة جارية على روحى



سوزان: إنته أكيد مخبول ... مليار ونص دولار صدقة جارية على روحك



جمال: ما تاخديش على كلامه ياماما .... ده يبقى كتير لو طلعنا 100
ولا 200 جنيه على روحه للفقرا



علاء وهو يمسك بالألة الحاسبة: ممكن نطلع لحد ألف جنيه ياجمال ...
السيولة تسمح


حسنى: أوعوا تفرطوا فى حبيب العادلى من بعدى ياولاد ... حبيب قلبه
ميت وإيده
طرش... وهوه ده اللى ينفع مع الغجر اللى هنا



جمال: بس ما بيعجبنيش شنبه يابابا

حسنى: إنته مالك ومال أم شنبه ..... إحنا بنشترى مجرم
جمال: أعاهدك يابابا إنى حخليه معايا ومش حفرط فيه أبداً

حسنى: الشيخ طنطاوى ياولاد راجل بركة ..... يمين يمين شمال شمال..... أوعوا
تفرطوا فيه ..... بس ما تخلوهوش يصلى عليا لأنى بصراحة مش متأكد
إن
كان ربنا حيقبل
منه ولا لأ
علاء: ولا يهمك يابابا .... حخلى أنكل كمال الشاذلى يصلى عليك



حسنى: والله لو عملتها ياعلاء لكون متبرى منك إلى يوم الدين

علاء: بهزر معاك يابابا
....... أنكل كمال مش حافظ الفاتحة

حسنى: المشير طنطاوى ياولاد ..... مش حوصيكم عليه ..... الراجل ده
عامل زى الست
المستحية .... حاطط وشه فى الأرض على طول وعمره ما استجرى يرفع
عينه
فيا ... وفى
نفس الوقت ماسك الجيش بإيد من حديد

سوزان: هوه فعلاً خجول وكل ما يشوفنى ما يقوليش غير ياست هانم
....
إبقى خليه
معاك ياجمال

جمال: حاضر ياماما


حسنى: عايز جنازتى ياولاد الناس تحكى وتتحاكى عنها ...... هاتوا
المخرج الإيطالى
ده اللى إسمه مكافيللى يصورها

علاء وهو يمسك بالألة الحاسبة: هوه حيكلفنا كتير ... لكن ممكن فى
الأخر نلم
مبلغ
معقول لو خلينا شركة أجنبية تحتكر حق توزيع الفيديو فى أوروبا
وأمريكا



[/font]


حسنى: عايز أحلى مدفع يشيل النعش ياولاد




جمال: مدفع رشاش




سوزان: الهزار مش فى الحاجات دى ياجمال




جمال: آسف ياماما





حسنى: عايز أدفن فى شرم الشيخ ياولاد جنب أولمرت وشارون





علاء: بلاش كفر مصيلحة يعنى





[font="Tahoma"]حسنى: لأ كلها براغيت ياعلاء .... وإسم شرم الشيخ كمان أشيك
بكتير
...

[ahmed dawood]

هههههههههههههههههههههههههههههههههههههههههههههههههه ههههههههههههههههههه

الله يا محمود ربنا يستر عليك و متعتقلش

بس و الله انا مستغرب لحالنا دا يا جماعه هانفضل ساكتين كدا و احنا بنتباع حته فى حته
ياجماعه احنا بنتباع بجد و على عينك يا تاجر و النكته بتاعت محمود دى بجد اللى هاتحصل و هاتتم
ربنا يستر علينا و يحفظنا و ينتقم من كل ظالم مفترى
آمين يا رب العالمين

[princess]

عندك حق يا احمد والله الواحد كده يخاف على بيتو بس الغلط مش الرئيس من الشعب علشان كل مره بيسكت لو مكنش سكت فى الاول كان الموضوع مستمرش وفضلو يبيعو فى البلد هيا ابتدت بيبيع الشركات وخصخصتها وياعالم هتنتهى بيبيع ايه

[عاشقة الاسلام]

مع السلامة

[عاشقة الاسلام]

اسفه على الخطأ ما كنتش اقصد اكتب ده هنا بس غلطت

ردى وردك على الموضوع ده يطول لان لو فتحنا ملف الخصخصة مش هنعرف نقفله

خصخصة بنك القاهرة دليل كبير واضح ان احنا افتقرنا ومعدتش ينفع نصدق كلام الجرايد اللى يقوللك التنمية والاقتصاد فى تطور كبير

لازم نفتح عينا على واقع مؤلم ان فى ناس كبار اوى بيكلو الصغيرين واشبه ده مثلا بالبحر فبه اسماك القرش والحوت طبعا بيكلو السمك الصغير هو احنا كده وهنفضل كده

احنا هنحتج على الخصخصة ولا التأمين الصحى الفاسد ولا اكياس الدم الفاسة اللى موتت العشرات

ولا الماء الملوث والفاكهة المسرطنة ولا اللبن الملوث ببودرة السيراميك ولا ايه ياجماعة احنا نعتبر اكبر شعب مصاب الكلى وفيرس سى

ده كله بسبب التلوث والفقر اللى احنا فيه

ولا عبارة السلام 98 اللى قتلت الالاف بالحرق او الغرق او الخوف وسكتنا ومخدناش حقهم بس عملنا حاجة فتحنا باب المطار للاخ ممدوح اسماعيل يهرب ووعدناه يرجع تانى لما الموضوع ينام

البلد بقت كلها فساد وعودناهم للاسف ان احنا نسكت ساكتين بس ده مش اسموه سكوت ده خرس

ولا الاراضى اللى بتتباع للمسئولين بالرخص زى ارض فى ميت ابو الكوم 12 فدان اتباعت لواحد هندى وباعوا الدان ب 100 جنيه وسداد على 10 سنين

البلد دى بس بقت شطرة جدا فى الفن والفنانين كل واحد عايز يعمل فيلم فاشل ياخد 10 مليون
واللى زعلان علشان خد 9 مليون وهناك فريق كرة قدم اشترى لاعب ب60 مليون يورو ارقام خيالية طبعا لواحد من اللاعبين دول تبرع انه يدى مرتب شهر لقارة افريقيا كلها لكانت اغنى بلاد العالم

كل مشكلتنا ان ما فيش نسبة وتناسب بين توزيع الثروات بين الغنى والفقير واصبحت بلادنا فبها يا طبقة غنية جدا وتتمثل فى الوزراء والمسئولين والمغنين والفنانين ورجال الاعمال النصابين

وطبقة فقيرة جداااااا تتمثل فى الموظفين واصحاب المعاشات والمرضى ومحدودى الدخل وهى دى الطبقى المطحونة المهدور حقها

حاجات كتير لازم تتغير فى البلد دى ولكن مش هتغير الالما الحكام يتغيروا الاول


اللهم ارفع مقتك وغضبك عنا

[ahmed dawood]

شكرا يا عاشقة الاسلام على الرد الجميل دا و بجد انتى وضحتى حاجات كتير كانت لازم توضح و يارب تكون لينا كلمه معبره عنا ولازم نتكلم بأه

[عاشقة الاسلام]

اشكر mohmoud sabra بجد دى احلى نكتة سمعتها فى حياتى هههههههههههههههههههههههههههههههههههههههههههههههه





http://www.gmrup.com/up/photo/erv29494.gif








اشكرك على مجهوداتك فى المنتدى

[mr.mido elwan]

عليه العوض ومنه العواض السنه القادم هيبدوا يبعوا الشعب على نظام اسهم وسلملى على احمد عز وتحيه لطلعت السادت رئيس مصر القادم

[picaso]

فى البداية احب اشكر الاخوة الاعزاء احمد داؤد ومحمود صبره على ردودهم الممتعة واللى ايقظت الهمة فينا علشان نثور على غلط وفسادفى بلدنا الحبيبة مصر..

متر مصر بتلاتة جنيه..يلا يافندي يلا يابيه ..إلحق إلهف إلحق إنهب ..قبل ماتخلص مصر يابيه

عبد الحليم حافظ -لو اني اعلم خاتمتي ما كنت بدات فالظلم سيبقي يا ولدي ……….
المشكلة ان احنا مش عارفين ...

هنلاحق على ايه ولا ايه العبارة ولال جراج رمسيس ولا البنوك اللى بيتنهب منها فلوس الشعب لغاية ما البنوك دلوقتى اصبحت زى طريق لتمرير فلوس واموال الشعب للى عايز ينهب منها زى ما هو عايز.....

ولا هنشوف اللى بيحصل فى الانتخابات ولا ايه ولا ايه.......


محدش يقول ان انا كده مفيش حاجه عاجبنى بس فى اى مكان محترم الناس اللى فيه لو مخلصين فعلا لازم يكشفوا الحقايق والغلط علشان يتصلح ويفضل المكان طاهر ونضيف

يعنى بالعربى وجع ساعة ولاوجع الف ساعة..

اللى يضايق فعلا انك ما تلحقش تبص لحاجه علشان تحاول تصلحها الا وتلاقى حاجة تانية ظهرت ليك ..ما تفهمش دا استقصاد ولا ايه..

بس الاكيد انه استقصاد وتقصير وكوكتيل عفانة كده رحيته فاعت وبقت وووووووووووحشة...


يعمى انا افهم ان اى حد بيفكر فينا يعمل عنده خزنه او اى وسيلى اى كانت يدخر فيها مدخراته علشان لما يحتاجها يلاقيها فما بالك لما تيجى وتبيع انت الخزنة دى باللى فيها....

يبقى انت خلااااااااااااااااااااااااص بس الحكاية مسالة وقت واستيعاب للصدمة

اهوه حكاية بنك القاهرة دى شبيه لكده... ويا ريت حد يجيب لى اى مؤسسة حكومية متخصصتش او بيفكروا يخصصوها دا حتى قناة السويس يا راجل قنااااااااة السويس اللى العالم كله بيحسدنا عليها بيفكروا قال ايه يخصصوها..

انا على زهقت من كتر الكلام لان الحكومة ناشية بسياسة "" الكلاب تعوى والقافلة تسير"..
وزى ما قال عمنا احمد فؤاد نجم
دا شعب فقرى

نظرا لأن النعمة فاقت حدها
ولأننا مش قدها
ولأن فعلا انجازاتك
فوق طاقتنا نعدها
ولأننا غرقنا في جمايل
مستحيل حنردها
نستحلفك ……. نسترحمك
نستعطفك …….نستكرمك
ترحمنا من طلعة جنابك
حبتين
عايزين نجرب خلقة تانية
ولو يومين
اسمع بقى
إحنا زهقنا من النعيم
ونفسنا في يومين شقا
عايزين نجرب الاضطهاد
ونعوم ونغرق في الفساد
بيني وبينك حضرتك
دا شعب فقري مايستحقش جنتك
أنا عارفه شعب ماينفعوش
إلا شارون وبلير وبوش
عايز يجرب الامتهان
ويعيش عميل للأمريكان
بيمد “غازه” لإسرائيل
ويومين كمان ويمد نيل
أهو يعني نشرب ميه واحدة
ندوب في بعض
ماء وماء وماء
ونفض سيرة الانتماء
وبلاها نعرة وطنطنة
تبقى البلاد “مستوطنة ”
(متسلطنة بالسرطنة)
إيه اللي خدناه م الكرامة والإباء
حبة خطب وكلام…كلام
إحنا راهنا على النظام
ورضينا بخيار السلام
(بخيارحنسد عين الشمس بيه)
علشان مايطلعش النهار
ويطلع لمين؟
حبة معارضة مغرضين؟
وحسب بيان السلطة
شلة مأجورين؟
ياعم فضك سيرة
وارضى بقسمتك
دا شعب مش فاهم أكيد
يالا اطرده من رحمتك
وإن كنت غاوي الحكم
خليك مطرحك
حاغطس وأقب وأعود
بشعب يريحك
راضي وعمره مايجرحك
أخرس ومايسمعش
وأعميلك عينيه
مش كل قرش يبص فيه
مايقولش لأه، وفين، وليه
يضرب ينفض في السليم
وعلى الصراط المستقيم
كل اللي يعرف ينطقه
عاش الزعيم
يحيا الزعيم

" وربنا يستر بقى "

[ahmed dawood]

عوضنا على الله فى بيكاسو
بس بجد و الله كل حرف كتبته عندك حق فيه

بس هانقول ايه
حسبى الله و نعم الوكيل